مدرسة براعم المستقبل صباحى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مدرسة براعم المستقبل صباحى

تعليمى
 
الرئيسيةأحدث الصورالتسجيلدخول

 

 مسرحية مدن مصر اعداد احمد سيد معلم اول الغة العربية

اذهب الى الأسفل 
كاتب الموضوعرسالة
احمدسيد
Admin
احمدسيد


المساهمات : 27
تاريخ التسجيل : 04/11/2011
العمر : 54
الموقع : ahmed300066

مسرحية مدن مصر اعداد احمد سيد معلم اول الغة العربية Empty
مُساهمةموضوع: مسرحية مدن مصر اعداد احمد سيد معلم اول الغة العربية   مسرحية مدن مصر اعداد احمد سيد معلم اول الغة العربية Emptyالجمعة نوفمبر 04, 2011 9:47 pm

مسرحية مدن مصر
تأليف الأستاذ /احمد سيد(مدرس اللغة العربيه) بمدرسة براعم المستقبل
التقت بعض المدن فى لقاء ودى بعد مدة طويلة من الفراق ودار بينهم الحوار التالى:
سيناء: أزيكوا يا بنات عاملين أيه ؟
الجميع يرد (الحمد لله بخير )
شرم الشيخ : وانت يا إسكندرية ياحبيبتى عاملة ايه ؟ بقالى كتير ماشفتكيش
اسكندرية : الحمد لله يا شرم هو فى حد زى أجمل مدينة على البحر المتوسط ده أنا عروس البحر المتوسط يا حبيبتى
القاهرة بضيق : ماتتغريش أوى ياحبيبتى ده أنا القاهرة برده عاصمة مصر وكل يوم المذيع يقول (هنا القاهرة ) ليا تاريخ ومفيش زيى
الإسكندرية بتفاخر: وأنا برده كنت عاصمة مصر من قبلك ياحبيبتى ياما قالوا فيا شعر كفاية إن عندى معالم أثرية قبطية وإسلامية ويونانية ورومانية وفرعونية.
القاهرة بتعصب: ايه يعنى ده أنا مدينة الألف مئذنة يا ماما , كفاية الجامع الأزهر و جامعة الأزهر وإن كان على الآثار القبطية عندى الكنيسة المعلقة , وكنيسة مارى جرجس,وكمان أثار فرعونية موجودة الأهرامات و أبو الهول ومقابر النبلاء وأثار سقارة ومراكب الشمس .
الإسكندرية تتضايق قائلة: يا حبيبتى أنا عندى مسجد سيدى أبى العباس المرسى ومسجد الإمام البصيرى, إن كان على الآثار القبطية عندى كاتدرائية الكرازة المرقسية فى محطة الرمل وعندى كمان قصور مش عندك قصر العروبة وقصر المنتزه وقصر رأس التين
القاهرة : وأنا عندى بانوراما النصر مش عندك والمتحف الأسلامى والمتحف القبطى
الاسكندرية : طب عندى ياحبيبتى بقى قلعة قايتباي , متحف الأحياء المائية -المسرح الروماني-عمود السواري- مكتبة الإسكندرية - المتحف الروماني
تتدخل شرم الشيخ فى الحوارغاضبة تقول:
-فى إيه أنت وهى هو مفيش فى مصر غيركم ولا أيه ؟!ما أنا مدينة السلام, من أجمل المدن على البحر الاحمر,والسياح بيجولى طول السنة .
الاقصر: ده مين بقى إنشاء الله اللى سماك كده؟
شرم الشيخ: منظمة اليونيسكو يا أقصر.
سيناء: ليه بقى انشاء الله ؟
شرم الشيخ: بسبب مؤتمرات السلام اللى انعقدت على أرضى .
الأقصر : بس أنا بقى اللى سمانى الأقصر العرب مع بداية الفتح الإسلامى لمصر وكان اسمى طيبة فى الأول .
سيناء: انتوا مش عاملينلى اعتبار فى وسطكوا يعنى ده أنا أرض الفيروز
أنا اللى مصر حاربت عشانى وعندى محمية رأس محمد و دير سانت كاترين و حمام فرعون وعيون موسى .
الأقصر : وأنا كمان أم الحضارات ثلث أثار العالم ,أنا مخزن الحضارة المصرية القديمة. عندى - معبد الأقصر - مقابر وادي الملوك والملكات -معبد الكرنك -المعابد الجنائزية - مقابر الأشراف
- معبد الملكة حتشبسوت اللى هو معبد الدير البحري
شرم الشيخ : ياسلام ..ما أنا السياح بيجولى عشان رحلات السفارى ورياضات الغوص والتزلج فى حد عنده كده
الأقصر : برده أنا مركز جذب السياح وبيقفوا مبهورين بأثارى
أسوان (على هيئة ولد): فرجتوا علينا السياح يابنات وفاكرين إن مفيش زيكوا أنا مش عايز أكلم عن نفسى ما أنا عندى السد العالى وخزان أسوان ومعبد فيلة وجزيرة فيلة وما أكلمتش يعنى ده من غيرى مصر ضلمة
المدن كلها تقف ضد اسوان,وتقول :
- وأيه حشرك فى وسط البنات يا أسوان .
وتجرى ورآه ؛لتضربه.
فيهرب أسوان منهم قائلا :
- ألحقونى بنات مجانين.... بنات مجانين
الرجوع الى أعلى الصفحة اذهب الى الأسفل
https://ahmed300066.rigala.net
 
مسرحية مدن مصر اعداد احمد سيد معلم اول الغة العربية
الرجوع الى أعلى الصفحة 
صفحة 1 من اصل 1
 مواضيع مماثلة
-
» مسرحية مدن مصر اعداد احمد سيد معلم اول الغة العربية
» مسرحية مدن مصر اعداد احمد سيد معلم اول الغة العربية

صلاحيات هذا المنتدى:لاتستطيع الرد على المواضيع في هذا المنتدى
مدرسة براعم المستقبل صباحى :: الفئة الأولى :: المنتدى الأول :: اللغة العربية-
انتقل الى: